Mat 3:13-17 | EweBEE | STEP | Le ɣemaɣi me la, Yesu hã tso le Galilea va yɔdan tɔsisi la to be Yohanes nade mawutsi ta na ye.

Matthew 3:13-17

Yohanes de mawutsi ta na Yesu

(Marko 1:9-11; Luka 3:21-22)

13 Le ɣemaɣi me la, Yesu hã tso le Galilea va yɔdan tɔsisi la to be Yohanes nade mawutsi ta na ye. 14 Gake Yohanes medi be yeade tsi la ta nɛ o ke boŋ egblɔ nɛ bena, “Medze be nye made tsi ta na wò o. Nye boŋ wòle be nàde tsi ta na.”

15 Yesu gblɔ nɛ bena, “Meɖe kuku de tsia ta nam ko, elabena ele nam be mawɔ nu siwo katã woɖo da ɖi.” Ale Yohanes lɔ̃ de tsia ta nɛ.

16 Esi wòde mawutsi ta nɛ vɔ eye wònɔ go dom le tsia me la, dziƒo nu ʋu eye Yesu kpɔ Mawu ƒe Gbɔgbɔ, le akpakpa ƒe nɔnɔme me, wònɔ ɖiɖim ɖe edzi. 17 Le ɣeyiɣi sia me tututu la, gbe aɖe ɖi tso dziƒo bena, “Ame siae nye Vinye, si gbɔ nyemelɔ̃a nu le o, ame si ƒe nu dzea ŋunye.”